Ars Oratoria Advanced Toastmasters Club (AOATMC), un klup di Toastmasters Avansá, afiliá na Toastmasters International, ku a ser fundá na Kòrsou na aña 2005 a organisá e di 12 kompetensia di Fabulá Eksagerá (Tall Tales Contest). Esaki a tuma lugá djadumingu 6 di aprel último. Esaki a tuma lugá na Fundashon Sentro Kultural Kòrsou (CCC), Emmastad di 4or pa 7or pm ku un sala yen. E tema tabata: HAVE YOU EVER?.
E kòntest a keda dirigí pa Contest Chair Toastmaster TM Faith Blades i Chief Judge TM Regis Mercera.
Tabata tin 8 tremendo partisipante i esaki tabata e resultado:
1. Ramichela Windster
2. Brian Martis
3. Junilda Manuela-Cicilia
E tema di aña 2024-2025 pa Ars Oratoria Advanced Toastmasters Club ta: “Shine Today and Succeed Tomorrow”. Pues tur e partisipantenan a sa di bria i a logra den nan meta ku tremendo konta kuentanan eksagerá.
Toastmasters ta un organisashon “no lukrativo” ku ta trein su miembronan pa por dirigí palabra den públiko, siña liderato i hopi otro abilidat ku ta hopi útil pa un miembro den su trabou i organisashonnan ku e ta den.
Si bo ta interesá di ekipá bo mes ku abilidatnan di por papia den públiko, liderato i komunikashon en general bo por tuma kontakto ku nos Vise Presidente Relashon Públiko– Sra Miloushka Rosario na telefòn +5999 5293011.
