Minister di Enseñansa, Siensia, Kultura i Deporte (ESKD) sr. Sithree van Heydoorn a anunsiá awe ku e la logra huntu ku Gabinete Pisas pone 4 mion disponibel pa e parke di basebòl pa Little League Kòrsou na Cirilo Chirino Ballpark. Sekretario – General di Ministerio di ESKD sr. Susan Larmonie – van Heydoorn a firma e akuerdo ku Direktor di Fundashon Desaroyo Deportivo Kòrsou (FDDK) sr. Vergilly Winklar. E firmamentu a keda hasí den presensia di Ministernan sr. Sithree van Heydoorn, sr. Charles Cooper, sr. Shalten Hato i DA di Little League sr. Urny Floran.
E akuerdo (beheersovereenkomst) ku a keda firmá ta relashoná ku e parti finansiero i konstrukshon di e parke pa Little League. Awor aki na momentu ku ta firma e akuerdo ta pone e parti di kontròl aden i asina sigui traha huntu pa ku e fasilidatnan deportivo. Minister Sithree van Heydoorn a gradisí e ministerio di ESKD, miembronan di gabinete di minister, FDDK, sr. Floran, sr. Martina i tur ku a traha huntu pa e trayekto aki durante di kasi 1 aña.
A la bes minister Sithree van Heydoorn a indiká ku su deseo ta pa pone un torneo di despedida entre e timnan Liga Pariba i Liga Pabou i ta yama e vèlt di Basebòl ayo i asina habri un era nobo pa e parke spesial pa Little League Ballpark Kòrsou. Esaki ta keda den man di FDDK i nos ta spera ku esaki por logra.
