Resientemente, 5 o’Clock Somewhere Bar & Grill a hasi apertura di su kushina nobo. Ya ta pa mas ku dos aña ku 5 o’Clock Somewhere ta sirbiendo kuminda i kòktelnan eksitante na su klientenan. Formando parti di e marka Margaritaville, 5 o’Clock Somewhere ta un restorant ku vibrashon tropikal na unda ta ofresé e kuminda- i bibidanan di mas dushi den un setting relahante. Ku apertura di su kushina nobo 5 o’Clock Somewhere Bar & Grill ta hiba tur esei na un siguiente nivel. Maneho di 5 o’Clock Somewhere Bar & Grill ta gradisí Sr. Charles Cooper, Minister di Tráfiko, Transporte i Planifikashon Urbano pa su asistensia den realisashon di esaki.
Un kushina nobo; ta nifiká mas espasio, mas kreatividat, i un variedat mas grandi di opshonnan di menú pa tur kliente. Ademas, e ekspanshon ta permití 5 o’Clock Somewhere Bar & Grill sirbi su klientenan mas lihé miéntras ta mantené e kalidat ku e ta konosí p’e.
Ku lansamentu di e menú nobo bishitantenan por disfrutá di e ‘‘Cuban Pulled Pork Sandwich’’. E sèntwich di karni porko ‘mechada’, kushiná slou, ta keda sirbí riba un ‘pan bròs’ kombiná ku ‘coleslaw’ lokal i sous Kubano. E ta primintí di bira un faborito. E kòktel ku por disfrutá huntu kuné ta “Azúca”. Eta konsistí di likor di kòfi, ròm Barceló, amaretto, juice di anasa, juice di koko i lamunchi. Durante henter e luna aki ámbos ta na un preis di introdukshon.
5 o’Clock Somewhere Bar & Grill ta invitá komunidat di Kòrsou pa hasi un bishita i kuminsá disfrutá di opshonnan nobo riba nan menú i eksperensiá e ambiente relahá kantu di laman. Esaki t’e oportunidat perfekto pa purba e ofertanan di e menú ekstendé promé ku lansamentu ofisial na luna di aprel.
5 o’Clock Somewhere Bar & Grill ta un konsepto inspirá pa kantante, kompositor i kantoutor Jimmy Buffet i ta mantené su estilo di Margaritaville; un kaminda na mundu semper lo ta 5’or di atardi! Tur dia tin Happy Hour entre 5’or di atardi i 7’or di anochi, i tambe entre 9’or i 10’or di anochi. Ta ofresé entretenimentu bibu riba djabièrnè i djasabra. E “Weekly Happening” ta ofresé dushi ‘bites’ i bebida refreskante tur dia di siman. For di Burger Madness riba djaluna, Beers & Tacos riba djamars te na Bucket Mania riba djasabra i hopi mas. 5 o’Clock Somewhere Bar & Grill ta habrí tur dia di 10AM-11PM i ta situá na Renaissance Wind Creek Curaçao Resort n’e otro banda di Nautilus Restaurant. Pa mas informashon por sigui www.facebook.com/5somewherecuracao i @5somewherecuracao òf bishitá https://www.5oclocksomewherecuracao.com.
