Awor bo no tin ku sali for di Kòrsou pa hasi bo chekeo médiko! Diagnostics di LABdeMED ta presentá un alternativa inovador i konfiabel pa e komunidat, dunando e oportunidat pa hasi bo kontrol di salú na un manera profesonal, lihé i fásil.
Investigashon a mustra ku 47% di adulto tin un òf mas malesa króniko i segun Curaçao Medical Center (CMC), kada dia un persona riba nos isla ta sufri di un ataka di kurason. Kuido preventivo ta klave pa evitá komplikashon. Esaki ta netamente e motibu dikon sa hasi un chekeo médiko afó. Hopi biaha esaki ta tuma lugá na paisnan den region. Pero awor, LABdeMED ta trese e solushon akí na Kòrsou mes. Kier men, mas serka di bo!
Un kòntròl di salú adaptá na bo nesesidat
Diagnostics di LABdeMED ta ofresé paketenan diversifiká pa diferente nesesidat médiko.
E paketenan ta inkluí chekeo di kurason, pa prevení i detektá problema di kurason na tempu. Tambe tin chekeo ginekológiko, ideal pa kuido preventivo di salú di hende muhé. Ademas, bo por hasi un skèn di kurpa kompletu, ku ta duna un bista detayá di bo estado di salú. Finalmente, tin paketenan personalisá ku ta adaptá spesífikamente na bo nesesidat médiko.
Kuido preventivo sin strès
Ku e inisiativa aki, LABdeMED ta reforsá su kompromiso ku prevenshon di malesa i un komunidat mas salú. Detektando posibel rísikonan trempan, bo por tuma medidanan preventivo ku ta duna bo pas mental.
Diagnostics di LABdeMED ta traha den kolaborashon ku profeshonalnan médiko lokal, garantisando resultadonan konfiabel i un proseso sin barera di idioma òf kultura. Ademas, bo ta risibí kuido den nos sistema médiko lokal, kual ta faborabel pa kontinuidat i integrashon di tratamentu. I lo mas importante: bo ta keda den bo mes pais, serka di bo famia i sernan kerí, sin mester dil ku e strès di un biahe largu pa trata bo salú.
LABdeMED ta pensa tambe riba negoshinan i nan empleadonan. Pa esei, e ta brinda paketenan di kuido preventivo spesialmente adaptá pa kompania. Un empleado ku ta sano i motivá ta kontribuí na un organisashon fuerte i produktivo!
Tuma kòntròl di bo salú awe mes!
Diagnostics di LABdeMED ta invitá tur hende pa tuma kòntròl di nan bienestar i evitá biaha pa eksterior ku su servisio médiko lihé, fásil i personalisá. No spera mas! Tuma kontakto ku nos via 514-4009 pa mas informashon.
