Corendon ta selebrando e aña aki su 25 aña di eksistensia. Komo bon tradishon ta selebrá esaki i hasi un regalu. Pa e motibu aki Corendon a hasi entrega di 10.000 ramo di flor na kliente- i relashonnan fiel tantu na Ulanda, Belgika, Kòrsou i Boneiru.
E bukèt di flor, den e kolónan di Corendon: kòrá, hel i blanku – ta bin den un vas spesial: un diseño spektakular di e rei di tatoo Ulandes, Henk Schiffmacher. El a diseñá e vas pa konmemorá e momentu importante aki.
E vas ta simbolisá aventura i konekshon, ku un diseño inspirá riba e tatoonan tradishonal di marineronan. Fe, speransa i amor ta e témanan prinsipal, komo un signo di libertat i deseo pa buska horizonte nobo. “Kiko bo pone riba un vas? Tin tantu posibilidat. Pa esei mi a keda serka di e fuente: e bishitante, e aventurero,” asina e diseñadó Henk Schiffmacher a bisa. El a skohe konsientemente pa e estilo klásiko ‘old-school’, kaminda tatoo no ta solamente arte, pero tambe ta un refleho di individualismo i e deseo pa deskubrimentu.
E flornan ku vas a wòrdu entregá na Kòrsou i Boneiru durante e dianan ku a pasa. CEO di Corendon, Atilay Uslu, a hasi entrega di algun vas ku flor.
