Resientemente, Minister Charles Cooper huntu ku Minister Sithree van Heydoorn a firma akuerdo di maneho (‘beheersovereenkomst’) entre Gobièrnu di Kòrsou i Fundashon Pro Deporte Sint Joris.
E akuerdo di maneho aki ta balido pa 5 aña (ku posibilidat pa ekstenshon). Fundashon Pro Deporte Sint Joris tabata maneha den pasado e tereno deporte na Groot Sint Joris i a hasi un petishon pa renoba e akuerdo di maneho di e tereno. E tereno ta na tur +/- 60.000 m² grandi.
