Kòrsou a partisipá ku orguyo den e di 38 edishon di Carifta Aquatic Championships, ku a tuma lugá for di 19 te 22 di aprel na Trinidad & Tobago. Dos hóben natadó: Lia Pollit i Gabrielle Johannes Maduro, tur dos di 14 aña, a representá e isla.
Ambos atletenan a logra prestashonnan ekselente, logra pasa pa final den tur evento ku nan a partisipá – ku ta un logro eksepshonal den un kompetensia di haltu nivel.
Lia Pollit, ku ta entrená apenas un aña, a hasi su debút internashonal den manera impreshonante, ganando un medaya di plata na 50 meter estilo lomba. Esaki ta un logro sobresaliente pa un atleta tan nobo pa e deporte den su promé kompetensia internashonal grandi.
Gabrielle Johannes Maduro, ku a gana bròns aña pasá na 200 meter estilo lomba, a bria di nobo e aña aki. E a kue plata riba mesun distansia i, además, a kibra dos rèkòrt nashonal di Kòrsou ku tabata poné for di 1997. Riba 50 meter estilo lomba, e a kibra e rèkòrt di Kimberly Schoop (31.99 s) ku un tempu di 31.76 s. Na 100 meter rugslag, el a superá e rèkòrt di Soa Berenos (1:10.09) ku un tempu nobo di 1:09.01. E dos landadónan ta ser entrená pa Reginaldo Brizuela Gonzalez.
Federashon Akuátiko Kòrsou ta yama pabien na promé lugá e dos atlétanan, coachnan i na e mayornan ku a duna nan sosten. Nan prestashonnan ta mustra no solamente talento, sinó tambe e futuro prominente pa deporte di natashon riba nos isla.
