Tabata djaweps 8 di mei mèrdia ku Djuric Virginie i ICONS a entrega Kòrsou i Reino Ulandes “Keda ‘Riba”. Universo ta konspirá pa un amor profundo i duradero. For di e inmensidat di universo (Cosmos) te na e intimidat di amor (Eros), komponé pa Djuric Virginie i areglá dor di Jonathan ”Catan” Carolina. Un kansion ku ta eksplorá, e distansia infinito pa un konekshon profundo. “Keda ‘Riba” ta pegahoso i komersial, tin tur ingrediente di un kansion emblematiko di DjuDju V. E tin tur e sabor i e ‘flow’ ku Djuric ta kustumbrá di trese. “Bida tin su ups and downs, pero nos ta keda ariba…” partinan di e letra ku sigur lo resoná serka e fanátiko. “Keda ‘Riba” ta eksplorá un romanse ku ta desafiá espasio i tempu”- bunita letra, dushi vibe, dushi pa skucha i mas dushi pa baila!
“Keda ‘Riba” ta keda kompañá pa un video clip bou direkshon di Rider Santana ku lo trese e kansion den konteksto pa e fanátiko. Esaki ta tipo di kansionnan ‘primibel’ ku ta zona sigur den fiestanan komersial òf e tradishonal Golden V. E kombinashon di Djuric i Catan ta produsí hit sin fin, nos por kòrda den pasado “Wauw Effect” i “Awor bo tin ku bai” despues “Sigui Bo Way” i resientemente “Serka Serka”. DjuDju V ta habri e temporada nobo – despues di karnaval- pa ICONS. Kansionnan nobo lo kuminsá zona na radio i den fiesta; fanátikonan mester keda pendiente. For di awe por solisitá “Keda ‘Riba” di DjuDju V na bo radio faborito i stream riba iTunes/ Spotify/ Tidal/ Apple Music. Ta invitá fanátiko- i siguidónan pa suskribí n’e kanal di KJ74 Entertainment riba YouTube i sigui sostené nos artistanan.
