Curaçao Medical Center (CMC) ta konfirmá ku Profesor Dr. Ingemar Merkies a entregá su retiro komo Direktor Médiko, ku ta tuma efekto dia 31 di desèmber 2025. Dr. Merkies a asumí e posishon aki na CMC den òktober di 2019 i a hunga un ròl importante den e guia di e hòspital durante su fase inisial i di desaroyo. El a skohe pa bolbe dediká su mes den su área profeshonal di neurologia i investigashon akadémiko.
E hunta di Supervishon ta ekspresá su gratitut pa e kontribushonnan importante ku Dr. Merkies a duna na mehorá servisio médiko pa komunidat di Kòrsou durante su mandato. Nos ta gradisié pa su dedikashon i liderato i nos ta dese’é hopi éksito den su futuro profeshonal.
