SHE Leads Conference ta bèk riba dianan 30 i 31 di mei 2025 despues di tres edishon sumamente eksitoso. Silvetty de la Paz i su tim ta organisá e di kuater edishon di SHE Leads Conference spesial pa nos hende muhénan na Kòrsou i den Karibe i ta enfoká riba kresemennu, transformashon, konekshon i kambio personal i profeshonal. E tema pa e aña akí ta ‘Authenticity & Trust’.
Silvetty de la Paz ta organisadó di SHE Leads Conference i alabes un di e oradornan pa e aña aki. Silvetty ta un entrepreneur, propietario di Nostra Growth i Fémina ku un pashon pa liderazgo femenino. Pa medio di su kompanianan Silvetty ta guia vários lider den nos komunidat pa nan por bira e mihó vershon di nan mes, hasiendo uso di nan abilidatnan i potenshal máksimo. Durante SHE Leads Conference Silvetty lo elaborá mas riba liderazgo outéntiko i for di konfiansa, i kiko esaki a nifiká pa su mes formashon.
E aña aki SHE Leads tin tres orador internashonal, Donna Regis-Prosper for di Barbados, Carmen Gomez for di Spaña i Tabitha Brown for di Merka. Donna Regis-Prosper ta Sekretario General i CEO di Caribbean Tourism Organization (CTO), Carmen Gomez ta fundador di Your True Blueprint i e ta un Intuitive Leadership Mentor. Tabitha Brown ta un aktris, outor i entrepreneur merikano ku ta liderá for di positivismo i amabilidat pa ku otro i ku mas di 13 mion siguidó online. Tantu Silvetty, Donna, Carmen i Tabitha ta ekspertonan den nan área ku ta bin kompartí nan konosementu i abilidatnan ku esnan presente.
SHE Leads Conference 2025 ta tuma lugá riba djabièrnè, 30 di mei i riba djasabra, 31 di mei, tin e famoso SHE Leads Brunch kaminda esnan presente ta haña aun mas konosementu i informashon balioso pa kon liderá den outentisidat i konfiansa.
Karchinan i paketenan ta disponibel via sheleadsconference.online, caribbeanticketshop.com i Mensing’s Caminada na Kòrsou. Bishitantenan internashonal por kumpra nan pakete online via di e website di SHE Leads Conference.
Sigui SHE Leads Conference i Silvetty de la Paz via Facebook i Instagram pa mas informashon relashoná ku e konferensha ku ta empoderá nos hende muhé i lidernan femenino na Kòrsou i den Karibe.
Esaki ta e momento pa abo invertí den bo mes i bai e ‘next level’ den bo liderazgo.
