EU Desk Curaçao (Ministerio di Desaroyo Ekonómiko) ke rekordá tur organisashon aktivo den área di protekshon di naturalesa, biodiversidat i kambio di klima, ku e programa BESTLIFE2030, su ultimo fecha ku por apliká ta dia 30 di Mei benidero. BESTLIFE2030 ta un inisiativa finansá pa Union Europeo (EU)ku ta supsidiá proyektonan ku ta enfoka riba klima i biodiversidat den Paisnan i Teritorionan Ultramar di EU -asina yamá OCT-, entre nan Kòrsou.
Organisashonnan No-Gubernamental (NGO’s), outoridadnan lokal, i instituto di investigashon, ets ta bin na remarke pa BESTLIFE 2030. Un súplika ta bai na e instansianan interesá pa manda propuesta dirigí riba e siguiente áreanan:
- Protekshon di biodiversidat
- Restaurashon di ekosistema
- Uso sostenibel di rikesa natural
- Adaptashon i resilensia klimátiko
Kada proyekto por risibí finansamento di máksimo EUR 100.000.
EU Desk Curaçao ta urgi organisashonnan pa entregá nan proposishonan masalmente i hasi uso di e oportunidat úniko aki pa promové solushonnan lokal ku ta kontribuí direktamente na nos desafionan di klima i biodiversidat.
Pa mas informashon tokante e kriterionan, límite di finansamento, prioridatnan temátiko i prosedura di aplikashon, por bishitá: EU desk Curaçao Facebook òf tuma kontakto via [email protected].
