International Beauty and Fashion Foundation ta presentando e di 22 edishon di Miss Curaçao Teenager. En konekshon ku esaki riba djadumingu 1 di yüni a tuma lugá e sertamen tan gustá Gala of Beauty 2025. Un kuerpo di hurado profeshonal riba e diferente areanan ku a keda husgá tabatin e oportunidat pa sera konosí i evaluá e 8 kantidatanan di aserka djabièrnè anochi i kulminá ku un show espektakular djadumingu anochi den sala auditorio di World Trade center yená ku famia, amistades i fanatikonan.
E areanan ku a keda husgá ta sonrisa, kabei, kutis, kara, kurpa, pia, personalidat i look di modelo.
Na final di e anochi e títulonan a keda di e siguiente forma:
Most beautiful Face: *#5 Chantee Celestijn*
Miss Personality: *#7 Carolay Marlin*
Most beautiful Skin i Hair: *#2 Beyoncé Lourens*
Model look i Best Body: *#8 Ryhana Lake Kastaneer*
Dynamic, most beautiful Smile i Legs: *#3 Delisha Albertus*
Aworaki nos kantidatanan ta sigui den preparashon pa e gran anochi final ku lo tuma lugá dia 6 di yüli den Exhibition Hall di World Trade Center Curaçao.
International Beauty and Fashion Foundation ta gradisí tur mayor i kompanianan ku ta kere den e sertamen mas grandi pa hóbenan aki na Kòrsou, Miss Curaçao Teenager selebrando 22 aña di eksistensia.
