MBA Empowerment ta un akademia di kresementu personal pa damita entre 4 – 24 aña i adulto. Riba 8 di yüni 2024 ofisialmente MBA Empowerment a introdusí un ‘Business Sister’, ku ta karga e nòmber di MBA – The Agency. MBA – The Agency ta fasilitá bo kompania tantu chikí i tambe grandi dor di brinda variedat di servisio ku ta yuda promové i engrandesé bo servisio òf produkto. Nos servisionan ta inkluí promo, host evento, kreashon di kontenido, modelo i oportunidatnan lokal. Pa logra ekselensia den bo servisio nos ta duna e modelonan di MBA The Agency training nan regular pa por kumpli ku bo vishon den kada stap. MBA Empowerment huntu ku MBA The Agency ta keda enfoká pa traha di paden bai pafó pa asina sigui brinda ekselensia.
