Gobernador di Kòrsou, S.E. Lucille George-Wout, a bishitá Corendon The Rif Resort. Sr. Atilay Uslu, fundadó i CEO di Corendon enkargá ku Hotels & Resorts, a risibi Gobernador i a yame un bon biní.
Durante e bishita, sr. Uslu a duna un splikashon detaya di e planan pa e aña aki pa Corendon na Kòrsou, ku ta inkluí kontrukshon di Mondi Beach Club pegá ku The Rif Resort. Esaki lo habri su porta pa públiko promé ku fin di 2024.
Durante e bishita, Uslu a deklará entre otro kos ku Corendon ta konta ku kuater hotèl na Kòrsou (Mangrove Resort, The Rif Resort, Livingstone Resort i Ritz Village), ku un total di mas ku 1.100 kamber i ta emplea 900 persona. Ku esaki Corendon ta kontribuí grandamente na e ekonomia di nos isla.
Después di e konbersashon, Gobernador i su delegashon a risibí un tour di e tereno di e hotèl ku a inkluí e lokashon kaminda Mondi Beach Club ta ser konstrui mientras a tira un bista tambe riba e parke di Mangrove pega ku hotèl.
Gobernador su delegason a inkluí su esposo Herman George, direktor di e gabinete di Gobernador, Peter Benschop, miembro di direktiva, Rishma Gainda i ayudante di Gobernador, Glenn Werleman.
