Djaweps 18 di yüli, e grupo di karnaval hubenil “The Box of Creativity” a presentá nan trahe pa ku Karnaval 2025.
Rekordando historia di nos weganan di antes e grupo hubenil “the Box of Creativity” i a yega na e tema PIDA PIDA ku ta enserá e importansia pa enkaminá proseso den desaroyo mental di nos hóbennan pa loke ta trata nan origen di bida.
Konsistiendo di un suit koló ros i kòrá ku detayenan riba dje di e opheto ku ta karga e tema kual ta Puzzle ku un handpiece ku ta karga e mensahe di e trahe i un headpiece ku tambe ta ilustrá partinan kontundente di e tema skohé pa e grupo aki karga durante di e marcha di Karnaval Hubenil 2025!
E trahe ta un trahe modèrno kolorido ku ta karga un mensahe profundo no pa solamente goso pero tambe pa konsientisá kada unu ku lo partisipá den e grupo aki. Pense pa huntu nos pega kosnan positivo i laga nos historia resoná den oido i kurason di tur esunan ku ta deseá pa atmirá.
