Servisio di Skol Públiko ta anunsiá orguyosamente ku riba djaluna 2 di sèptèmber 2024 a habri un sukursal nobo dirigí riba mucha ku difikultatnan grandi riba tereno di oido i abla. E sukursal aki tin un enfoká spesial riba muchanan ku un trastorno den e espektro di outismo.
Skol Myrna Dovale, e úniko skol di klùster 2 na Kòrsou, ya pa hopi aña ta ofresé edukashon na muchanan ku problema ouditivo i trastorno di desaroyo di abla. Skol Myrna Dovale ta hasi esaki riba entre otro nivel di LOM (problema leve di siñamentu) i MLK (mucha ku abilidat di siña moderá). Ku e aña di sekshon aki, e skol ta amplia su servisio duná na muchanan ku mester di atenshon spesífiko.
Un nesesidat grandi a keda kubrí
Evaluashon resien a mustra ku tin un nesesidat grandi pa edukashon spesial dirigí riba muchanan ku desaroyo di un trastorno den e espektro di outismo. Servisio di Skol Públiko, huntu ku gerensia di Skol Myrna Dovale i e tim di dosente den kolaborashon ku mayornan i sentronan spesialisá riba e tereno di outismo, a prepará un departamentu ku ta kumpli ku nesesidatnan di un grupo di 40 mucha ku apénas a risibí edukashon formal ku ta kumpli ku e metanan núkleo di enseñansa.
Edukashon adaptá na midí
Ku e ekspanshon aki, Skol Myrna Dovale ta ofresé mas oportunidat na muchanan ku varios desafio riba tereno di siñamentu i desaroyo. Promé ku a habri e sukursal a invertí den bon komunikashon ku mayornan, preparashon amplio di e tim di dosente i kolaborashon ku sentronan ku ekspertisio riba e tereno. E alumnonan lo risibí edukashon den grupo chikí ku atenshon pa nan nesesidatnan spesífiko.
Den futuro lo sigui invertí den e spesialismo nesesario pa sirbi e alumnonan mas mihó posibel. Den esaki kolaborashon ku spesialistanan manera logopedistanan i ortopedagogonan ta indispensable.
