Un alegria inmenso ta reina den e kompania Aubrey America Events & Productions kaminda djasabra anochi e di 3 Miss Curaçao Holland bou di nòmber di Lorelay Bonevacia a ser koroná komo Miss Grand Prize Beauty World International 2024. Esaki ta un sertamen ku ya e organisashon ta tin 3 aña ta partisipando na dje kaminda Jeny Minguel a gana na aña 2022 Miss Petit Beauty World 2022 i despues Sabin Schleper a logra e 2nd Runner up 2023. E aña aki e kompania tabatin 3 partisipante den kontienda; un tabata Jimicha Nieuwkerk ku a bai den kategoria Teen a gana Miss Teen Emprendedora (Esaki pasó e ta un dama na edat yòn ku su propio empresa) i el a keda na 3rd runner up den su katrogiai Jady Henriquez ku a partisipá den kategoria Petit Teen el a gana Miss Beautifull Face, Miss Best Presence i keda na 2nd Runner up.
Lorelay Bonevacia a gana e título di Miss amistat, Mihó Trahe di Fantasia i e premio máksimo di Miss Grand Prize Beauty World International 2024 pa motibu ku e ta e partisipante ku a destaká mas na puntuashon di mas haltu di hinter e trayekto di e sertamen. Lorelay a presentá den kòmbèrsashon ku hurado ku un tema ku a toka tur hende ku ta “Pas Mental” pero e manera ku a dama aki a hasi e presentashon i koutivá e huradonan tabata hasi ku e tabata un di e gran faboritonan pa e anochi di djasabra ku a pasa.
E damanan aki a ser manehá pa Aubrey America huntu ku un ekipo profeshonal ku tabata Bryan Cipriano komo make up artist i diseñadó di kas ku tabata sr. Eddy Rambaldy ku a laga nan lusi 3 espektakular trahenan di gala e anochi final. Nos ke enfatisá ku ambos profeshonal ta di Repúblika Dominikana. Ku e korona prinsipal aki, Aubrey America ta klousurá e aña aki ku 112 korona internashonal markando historia komo un di e direktornan internashonal ku tin mas korona internashonal ganá den Karibe.
