Den kuadro di selebrashon di e promé sinku añanan di eksistensia di e proyekto úniko na mundu, e Katedral di Sumpiña, lo bai presentá un kuenta di ada pa hende grandi i chikí ku e konstrukshon pekuliar aki den fondo. Meta di e evento ta pa rekoudá fondo pa kontinuidat di e proyekto ku na su debido tempu mester di su mantenshon.
Riba djasabra 1 di febrüari i djadumingu 2 di febrüari na e Katedral na Santa Rosaweg lo ehekutá e kuenta di ada pa teater ‘Thorns – the Light Within’ den un meskla di tres idioma: Hulandes, Ingles i Papiamentu. A base di un idea di Daisy Casimiri, Marcel van Duijneveldt a traha un guion den kua e Katedral di Sumpiña tin un papel sentral.
Un grupo selektá di artista lokal ta koperá ku e produkshon aki, entre nan Norma Cova, Roland Colastica, Cecil Schmidt i Sheldon Angelister, akompañá pa e bailadónan di Fina Art Dance School i Willem Blankenburgh ku su banda di Rock. Reina di Basura Frouwkje Smit ta garantia pa e koregrafia i e vestuario.
E karchinan ta disponibel kaba na e direkshonnan konosí (Mensing’s Caminada, Landhuis Bloemhof i Zumpiña Shop) na rason di 45 florin pa adulto i 15 florin pa mucha. Por stashoná grátis na Number TEN i Orco Bank.
