Global Issues Network (GIN) na International School of Curaçao (ISC) ta parti di un ret grandi di studiantenan rònt mundu ku tin mes metanan; pa yuda komunidat lokal. Tur aña di nobo, nos studiantenan di ISC GIN ta organisá diferente tipo di aktividat ku ta brinda servisio i ayudo. Esaki ta inkluí entre otro mantené ISC su Campus liber di uzo di plèstik den tur forma, organisá dia pa muchanan di ménos rekurso pa haña un eksperensia dor di bin “shop” na ISC, bishitá kasnan di grandi, rekoudá kuminda pa bestia, buska mobilario pa diferente skol i hopi mas.
Djasabra 15 febrüari 2025 studiantenan di GIN a tene nan di 10 edishon di e Clothing Day/ Clothing Drive na International School of Curaçao ku e meta pa muchanan di ménos rekurso, for di diferente kas nan kaminda muchanan ta residensia, tin e eksperensia di “shop”.
E evento akí ta konosí komo ‘GIN Shopping Experience’ òf mas bien Clothing Day. A transformá e gymzaal na ISC den un pakus grandi kaminda alrededor di 500 mucha, for di diferente fundashon, a haña e invitashon pa pasa un dia spesial pa nan “shop” i haña e eksperensha akí.
E aña akí tambe, esaki tabata un éksito kompleto. E muchanan a disfrutá di e ambiente, buskando paña, ko’i hunga i algun otro asesorio di nan mes eskoho.
Nos studiantenan di GIN a trese un brio di goso den bida di e muchanan akí. Preparashonnan a start algun siman pasá kaminda e miembronan mes a kolekta e pañanan, surti nan na sais, set-up i transformá e gym pa hasi e eksperensia, unu plasentero pa e muchanan ku a bin “shop”. E evento aki tbt un gran éksito, mirando kon e muchanan a disfrutá di e eksperensia di por a shop pa nan mes i e sonrisa ku nan tbt Sali ku ne for di e gymzaal.Ademas di proveé paña i asesorio, e proyekto ke enfoká riba e parti kaminda hobennan por hasi un diferensia den komuniká dor di demostrá nan kompashon i traha den tim. E evento aki ta un rekordatorio ku akshonnan chikitu pero hasi ku amor i dedikashon tin un impakto duradero. No solamente na a yuda nan komunidat pero nan duna un ehèmpel pa otro por sigui.
