Corendon ta ofresé un cruise úniko ku nunka anterior no a keda ofresé. Dia 31 di òktober 2025 e barku krusero Renaissance ta sali Hulanda (IJmuiden) pa Kòrsou. Nunka promé un pasahero por a biaha for di Hulanda pa Kòrsou abordo di un barku krusero.
E cruise tin un durashon di 20 dia i ta bai tuma lugá riba e barku krusero Renaissance (antes Maasdam) di e kompania Britániko Ambassador Cruise Line.
Despues di IJmuiden, e siguiente suidatnan lo ser bisitá: Dunkerk (Fransia), Lisboa (Portugal), Ponta Delgada (Azores), St. John’s (Antigua), Roseau (Dominica), Castries (Saint Lucia), Bridgetown (Barbados) i e último Puerto, Kòrsou.
Una bes na Kòrsou, Corendon por organisá e biahe di regreso pa Hulanda ku avion. Klientenan tambe tin e opshon pa keda Kòrsou pa un fakansi mas largu òf pa keda Kòrsou.
Biahero por skohe entre kabina pa 1, 2, 3 òf 4 persona. E barku krusero tin espasio pa maksimalmente 1.200 pasahero. Renaissance ta ofresé hopi fasilidat, inkluyendo dos pisina, ocho bar, varios restorant, un bar di biña, varios tienda, un Teatro, un spa i gimnasio ultramoderno.
Durante e biahe Renaissance ta ofresé varios aktividat, presentashon musikal, show i entretenimento karibense, tur inkluí den e preis.
E idioma prinsipal abordo ta Ingles. Sinembargo a bordo lo tin guia di biahe di Corendon ku ta papia Hulandes pa asistí pasaheronan ku ta deseá esei.
Renaissance ta un kolaborashon entre Ambassador Cruise Line, e kompania Franses Compagnie Française de Croisières i Corendon. E barko krusero tin un historia impreshonante mientras ku el a keda renobá kompletamente e aña aki.
Corendon ta ofresé e krusero ku ‘penshon kompleto’ for di € 1.599 pa persona. Esaki ta apénas € 80 pa dia. Pa mas informashon, bishitá e ofisinan di biahe di Corendon na Scharlooweg 27 na Kòrsou òf den lòbi di Resort Bonaire na Boneiru, òf mira e website di Corendon: www.corendon.nl/cruises-curacao.
Bo ke biaha for di Kòrsou pa IJmuiden? Esaki ta posibel den un krusero úniko di 22 dia riba 4 di mart 2026. Lesa mas tokante esaki riba e website di Corendon: www.corendon.nl/cruises-curacao òf bishitá e agensia di biahe di Corendon na Scharlooweg 27 na Kòrsou òf Corendon Travelagency Bonaire den e lòbi di Resort Bonaire na Boneiru.
