Gobièrnu di Kòrsou a firma un akuerdo di maneho ku e organisashon Akademia di Baseball Jandorèt. Minister di Tráfiko, Transporte i Planifikashon Urbano sr. Charles Cooper huntu ku Minister di Enseñansa, Siensia, Kultura i Deporte sr. Sithree van Heydoorn, na nòmber di Gobièrnu, a firma e akuerdo di maneho (‘beheersovereenkomst’).
E organisashon Akademia di Baseball Jandorèt a hasi un petishon pa por a bini na remarke pa mantenshon i desaroyo di e tereno deporte na Jandorèt. Na tur e tereno ta 13.619 m² grandi i nan ta bai tin maneho di e tereno pa e próksimo 5 añanan (ku posibilidat pa ekstenshon).
E Ministernan ta hopi kontentu ku e akuerdo aki komo ku nan ta para pa desaroyo di nos hubentut i huntu nan ta traha na bienestar di nos muchanan spesialmente pa e área di deporte riba nos pais. A la bes nan a a gradisí i deseá e organisashon tur klase di éksito.
