ASKA Insurances a konfirmá su apoyo na Liga Pabou Kòrsou, na beisbòl i nos muchanan, renobando kontrato pa dos aña mas. Komo un kompania di seguro, ASKA ta dediká na muchanan i spesialmente beisbòl, pa siña i forma e atlétanan di mañan.
Un par di aña pasá, Liga Pabou Kòrsou a aserká ASKA pa un donashon i despues di kasi un aña di negosashon, nos a firma nos promé kontrato pa dos aña ku Liga Pabou i ekipo di Marchena ku lo representá ASKA ku nos logo riba unifòrm for di Minor League te ku Senior League.
Durante di e dos añanan ku a pasa, i ku hopi logro, nos ta orguyoso di bisa ku nos a yega un akuerdo pa renobá e kontrato pa dos aña mas ku Liga Pabou. E kontrato nobo lo trese tambe un unifòm ku e imagen nobo di ASKA.
Liga Pabou Kòrsou ta un gran partisipante internashonal ku rèkòrtnan na entre otro Little League, inkluí un rèkòrt mundial di 32 wega ganá, ku ta hasi nan e Liga ku mas wega ganá tambe internashonalmente. ASKA Insurances komo parti di Multinational Insurance Group, tin beisbòl na kurason i pa esaki, e kolaborashon ku esnan ku ta e futuro di e deporte, ta di suma importansia.
