Na Curaçao Airport Partners (CAP), nos dedikashon ta bai mas leu ku solamente operá un aeropuerto; nos ta komprometé na elevá nos komunidat i invertí den su futuro. Nos ta rekonosé e poder di kambio i e importansia di kuida nos siguiente generashon.
Komo parti di nos inisiativanan ASG (Ambiental, Sosial, i Gobernansa), nos ta sigui alkansá nos komunidat ku dos proyekto signifikante di back-to-school den e luna di ougùstùs akí.
Dia 15 di ougùstùs 2024, nos a inougurá un speeltuin nobo na Skol di Fundeshi Ellis Juliana – Sheila Karel na Tera Kòrá. Konstruí ku materialnan sostenibel suministrá pa Rasta Wood, e speeltuin vibrante akí ta reflehá nos kompromiso pa ku responsabilidat ambiental. E proyekto akí a bira posibel dor di e esfuersonan inkansabel di nos Departamento di Mantenshon i e sosten di un di nos balioso akshonistanan, Janssen de Jong Caribbean, atraves di su supsidiario CWM, sigurando asina ku awor e muchanan por tin un espasio sigur i plasentero.
Ademas CAP a regalá e skol 20 iPad nobo nobo, huntu ku nan cover protektor i lisensianan pa un aña kompleto. Nos a brinda tambe un koeler nobo pa garantisá ku alumnonan tin akseso na awa fresku i limpi. Pa selebrá e aña eskolar nobo, e alumnonan por a disfrutá di donuts di Duck Donuts, kortesia di nos Departamento Komersial.
Presensia awe di Minister di Enseñansa, Siensia, Kultura i Deporte, Sithrey van Heydoorn i Minister di Hustisia, Shalten Hato ta suprayá e importansia di e esfuersonan ku CAP ta hasi pa komunidat, i tambe nan sosten pa nos inisiativanan.
Jonny Andersen, CEO di CAP, a deklará: “Nos ta orguyoso di e progreso ku nos a logra pa ku sosten na nos komunidat, pero nos trayekto no ta kaba aki. Nos inisiativanan kontinuo ta reflehá nos dedikashon na no solamente kumpli, pero surpasá nos kompromiso pa ku bienestar di komunidat. Nos ta determiná pa sigui konstruí riba nos logronan, sigurando ku nos esfuersonan ta sigui hasi un impakto supstansial i positivo den bida di esnan ku nos ta sirbi.”
