Club17 Curaçao mas i mas ta posishoná su mes komo un ehèmpel internashonal di un aserkamentu integral i holístiko pa ku desaroyo duradero. Resientemente, Kordinadó Global di Club17 i Kordinadó Lokal di Club17 Curaçao Lara Melkert a hiba diskushonnan stratégiko na Oman ku Dr. Mohammed Al Saqri, Minister di Ekonomia di e Sultanato di Oman, i H.E. Stella Kloth, e embahador Hulandes na Oman. E exploracion aki, facilita pa Embahada di Reino Hulandes na Oman, a enfoká riba retonan lokal na Oman i e aporte úniko ku Club17 por hasi pa medio di e strategia komprobá di kuater paso ku tambe ta wòrdu apliká eksitosamente na Curaçao.
E kòmbersashonnan ta marka e komienso di un trayekto prometedor den kua sostenibilidat ta sentral. Bou di e bandera di e Metanan di Desaroyo Sostenibel (SDGs), ku énfasis riba SDG17 (Partnerships for Goals), i Oman Vision 2040, un fundeshi sólido ta wòrdu poné pa kompartí konosementu i koperashon atrabes di frontéranan.
“E kòmbersashonnan na Oman ta enfatisá ku e aserkamentu integral di Club17 ta inspirá mundialmente,” Lara Melkert, Kordinadó Global i Lokal di Club17 ta bisa. “Nos a mustra cu por sostené desaroyo sostenibel tantu lokalmente komo internashonalmente. Pa medio di kompartimentu di konosementu entre Curaçao i Oman, nos no solamente por siña di otro su retonan, pero tambe konhuntamente por desaroyá solushonnan cu tin impakto real i realisá kresemento ekonómiko sostenibel, tanto riba Kòrsou meskos ku na Oman,” Melkert ta agregá.
Resultado Club17 Curacao
Club17 Curaçao a logra resultadonan impreshonante den último añanan. Ku yudansa di e SDG Tracker App, kasi 500 inisiativa sostenibel a wòrdu mapá na Kòrsou, di kua tur ta duna un kontribushon midibel na e SDGs. Ademas, e plataforma tin 31 miembro ku ta reuní transsektoralmente kuater biaha pa aña pa kompartí konosementu i eksperensianan. Pero tambe kier uni forsa. Proyektonan manera e introdukshon di e Bòter di Awa Club17 na aprel 2024 i e desaroyo di un Plan di Akshon Integrá, ku a kuminsá na ougùstùs 2024, ta fortalesé e impakto i outosufisiensia di e plataforma.
Sigurá Club17 Curaçao lokalmente
Club17 Curaçao ta den un fase importante kaminda e plataforma ta wòrdu ankrá komo un entidat lokal independiente. Te awe ainda e iniciativa ta cay bao di e paraplu di e Fundacion D-TAP, un fundacion Hulandes, pero cu e autonomia creciente y e partnershipnan strategico creciente riba e isla, un fundeshi fuerte ta wordo poni pa un impacto sostenibel riba e isla.
Pa mas informashon: www.club17curacao.com
