Despues di un dékada, e kampaña kerí ‘Share A Coke’ a bolbe na Kòrsou i Bonèiru. Coca-Cola ta invitá tur konsumidó pa buska su propio nòmber òf esun di un ser kerí, riba bòternan di 20oz Coca-Cola Original Taste òf Coca-Cola Zero Sugar. Na lugá di e logo ikóniko, e bòternan lokalmente produsí ta bini ku e nòmbernan mas popular riba e dos isla.
“Ku e kampaña aki, nos ta invitá tur hende pa redeskubrí e berdadero nifikashon di ‘kompartí’,” segun Myrthe George-Verhulst, Marketing Manager di Coca-Cola Kòrsou. “Nos ke uni i selebrá kada momentu ku personanan ku ta importante pa nos.”
‘Roadshow’: Personalisá bo botèr ‘on the spot’
Pa esnan ku no por haña nan nòmber riba e bòternan, Curaçao Beverage Bottling Company BV ta organisá un ‘roadshow’ spesial. Durante e evento aki, e konsumidó por kumpra un bòter di Coca-Cola 20oz i personalisá esaki ‘on the spot’, ku su propio nòmber òf un palabra ku tin un nifikashon spesial. Tur fecha- i lokalidatnan di e ‘roadshow’ lo wòrdu publiká riba e retnan sosial i e ‘website’ di Coca-Cola Kòrsou: www.cocacola.cw.
T-shirt personalisá den 7 dia
Aparte di e bòter, e konsumidó por bestèl un T-shirt ku su nòmber òf un palabra di eskoho. Pa XCG 15.00 i 5 tapa di oro, konsumidó por buska nan T-shirt úniko despues di 7 dia na Mister and Miss Exclusive na Saliña òf Santa Maria. Por haña e tapa di oro riba tur produkto produsí lokal di Coca-Cola Original Taste, Coca-Cola Zero Sugar, Sprite Original Taste i Sprite Zero Sugar.
Merkansia eksklusivo di Share a Coke
Durante e ‘roadshow’, lo ta bai tin merkansianan eksklusivo di Coca-Cola Shara A Coke, manera T-shirt (XCG 25.00); djùk (XCG 30.00); mug ku vèl di steker (XCG 15.00) i sèt di dos mug ku vèl di steker (XCG 15.00).
Boneiru
E kampaña di Share a Coke tambe lo keda lansá na Boneiru. Pa tur informashon bishitá e retnan sosial di Best Brands Bonaire, e distribuidó di produkto di Coca-Cola na Boneiru.
Pa mas informashon tokante e roadshow, T-shirt i merkansianan eksklusivo, sigui Coca-Cola Kòrsou riba Facebook i Instagram i tambe nan ‘website’ www.cocacola.cw/sac.
E kampaña ‘Share A Coke’ ta un invitashon pa huntu, krea memorianan inolvidabel i pa kompartí e sentimentu di alegria.
