Corendon lo ta e spònser di e klup di bèisbol Santa Maria Pirates pa un aña.
E organisashon di bèisbol popular na Kòrsou a wòrdu fundá riba 3 di mart 1963 pa Frank Curiel i amigunan di bario manera Aquiles Boelijn, Robert Lebacks i Wilbert Petronelia, tur di e bario Santa Maria. Corendon ke apoyá deporte na Kòrsou i kier demostrá esaki den akshon ku e sponsorship aki.
E Santa Maria Pirates tin un historia yen di éksitonan. Mucha-hòmbernan por kuminsá parti di e klup di bèisbol for di 4 aña pa siña e sekretunan di deporte. Santa Maria Pirates tambe tin un ekipo di veterano. Tur e hungadónan ta bin di Santa Maria òf di den besindario, manera De Savaan, Moonchi, Mahuma, Buena Vista, Heintje Kool, Kanga i Dein. Santa Maria Pirates tin su propio tereno den e bario Heintje Kool, ku a ser fundá na aña 1990.
Den e último 30 aña, Santa Maria Pirates a klasifiká pa diferente playoffs di Federashon di Beisbol di Kòrsou (FESEBAKO). Na tur 30 biaha. Hopi ‘big leaguers’ a kuminsá nan karera òf a hunga beisbol den Santa Maria Pirates, manera Randall Simon, Jonathan Schoop, Shairon Martis i Mariekson Gregorius.
E manager di Santa Maria Pirates den klase AA ta Sorick Liberia. Gustavito de Jong ta lider di klase A, Ericson Irausquin ta lider di e ekipo di hubentut i Vernon Isabella ta lider di e ekipo di veterano. Kenneth Gijsbertha ta e presidente i e tin e funshon aki ku éksito pa e último 31 aña.
Riba potrèt: Kenneth Gijsbertha i Atilay Uslu durante di presentashon di e unifòrmnan nobo na e patio di TravelAgency Corendon na Scharlooweg. Riba portret tambe Biray Ögüt (director regional Corendon) i e hungadónan D’mani Martinus, Farid Cijntje i Sharlon Schoop.
