Kòrsou ta bai bira interport pa biahenan krusero den región di Caribe. Esaki danki na un kolaborashon entre e empresa Britániko Ambassador Cruise Line i Corendon. Esaki a keda anunsia awe na Kòrsou dor Atilay Uslu, CEO di Corendon.
Na tur lo tin 10 cruise durante e temporada haltu di 2025/2026. E cruises den kolaborashon ku Corendon ta kuminsá den high-season krusero di novèmber 2025, ku embarkashonan riba djarason i djasabra for di haf di Willemstad pa islanan manera entre otro Guadeloupe, Barbados, St. Kitts, St. Lucia, St. Maarten, Aruba i Boneiru. E prome biahe for di Kòrsou ta Sali 19 di novèmber 2025. E último ta programá pa 21 di febrüari 2026.
Pa e cruise ta bai usa e barku krusero Renaissance di e empresa Britániko Ambassador Cruise Line ku huntu ku Corendon ta bai organisá biahenan krusero den Karibe. Renaissance no ta deskonosí pa Kòrsou i región di Karibe. Antes lo a sirbi komo e Maasdam di Holland America Line (HAL).
Kòrsou ta bira un haf pa Renaissance na unda pasaheronan di Kòrsou, Estádos Unídos, Sur Amerika, i regional di Aruba, Bonaire i Sürnam por subi e barku. Corendon ta bai enfoká pa su cruisenan tambe riba bishitantenan di Hulanda i otro pais manera Bélgika i Inglatera, ku via Corendon por subi e barku na Kòrsou. Pasahero ta subi abordo pa un bishita di 10 te 11 anochi. Nan por skohe tambe pa keda mas largu na Kòrsou pa un estadia den un hotel di tres, kuater òf sinku strea.
Corendon a anunsiá ku un biahe den un kabina interior pa 10 òf 11 anochi (11 òf 12 dia). Un biahe ta kuminsá na 999 Euro. Biaheronan por skohe den diferente klase, manera un kabina interno, un kabina ku bista riba laman, un kamber ku balkon òf ku un terasa. E preisnan ta kambia depende di e tipo di kamber. E durashon di e biahe ta depende di e ruta. Por skohe diferente ruta riba diferente fecha, asina Uslu a anunsiá durante un konferensia di prensa den The Rif Resort Curaçao.
Renaissance ta un barku krusero di e klase Statendam ku 629 kabina. Den luna di òktober 2022 e barku a keda kompletamente renobá i revisá pa Damen Shipyards den e haf Francés Brest. E barku ta perfektamente mantené i ta ofresé un servisio di lata kalidat a bordo.
Biahenan di cruise ta hopi popular den e región di Karibe. Kòrsou ta ser konsiderá pa ekspertonan komo un punto ideal pa embarká riba un cruise den Karibe. Pasaheronan riba Renaissance por gosa di destinashon idíliko ku un alto grado di kultura i historia. E región di Karibe ta ofresé un gran variedat di aktividat, mientras esnan ku gusta trankilidat por gosa di e ambiente riba e barku krusero.
Por hasi tur trámite pa e biahe pa medio di e websait www.corendon.nl/cruise òf personal na agensia di biahe di Corendon na Skarlo 27. E agensia di biahe ta alkansabel via email [email protected] Whastsapp +59996668612 òf telefon +59994650515. Na Bonaire por tuma kontakto ku Corendon Travel Agency Bonaire, EEG Boulevard 97 i via Whatsapp +599 7006055.
Pa mas informashon bishitá e website: www.corendon.nl/cruises-curacao
