Corendon Kòrsou ta bai partisipá e aña aki den Gran Marcha, e ekspreshon kultural mas grandi di Kòrsou. Atilay Uslu (CEO di Corendon): “Nos ta sumamente orguyoso ku nos por partisipá den e aktividat fabuloso aki. Un gran fiesta. Nos ta sigur ku e próksimo dianan ta bai bira inolvidabel. Pa nos komo partisipantenan, pa nos huesped i pueblo di Kòrsou.”
Djadumingu Corendon ta presente den e parada vibrante, meskos tambe durante Marcha di Despedida di djamars.
Corendon ta konta ku mas o ménos 100 partisipante. E grupo ta marcha na kabes di e parada dunando un homenahe na aviashon. E atrakshon prinsipal ta un garosa ku un avión di 40 pia, diseña pa e artista Kurasoleño Giovanni Abath.
E grupo di Corendon ta representá e ekipo di Corendon i ta demonstrá ku hospitalidat i fiesta ta bai huntu. Den cockpit di e “avion” ta sinta DJ Lebax, mientras MC Don T ta fungi komo asistente-piloto, Nan ta bai animá e partisipantenan di e grupo i pueblo a lo largo di e ruta.
E karosa den forma di un “avion” ta enkabesá pa dos ‘marshall’ ku ta habri kaminda pa e grupo. Komo broche di oro, no ta un, pero dos Miss Corendon ku ta bai bria riba e “avion”.
Karnaval na Kòrsou ta simbolisá union, kultura i fiesta, balor ku ta kombiná perfektamente ku Corendon. E partisipashon den e Gran Marcha i e Marcha di Despedida ta bai bira un eksperensia inolvidabel. Esei ta sigur.
