Courtyard by Marriott®, parti di e portafolio di Marriott Bonvoy ku 32 otro marka di hotèl, a habri su portanan ofisialmente awe na Kòrsou. E hotèl nobo, situá na Pater Euwensweg 11 na Otrobanda, ta ofresé 150 kamber i 2 suite. E hotèl ta ofresé un eksperensia moderno i fleksibel, den kual e diseño ta reflehá diferente elemento di naturalesa i kultura di Kòrsou. E hotèl ta wòrdu eksplotá komo un frankisia di Courtyard by Marriott, propiedat di CMC Real Estate i manehá pa Highgate.
Durante di un apertura masha spesial por a konta ku presensia di henter a tim, e desaroyadónan di proyekto, doñonan, partnernan finansiero i prensa di Kòrsou. Despues di algun palabra na apertura di GM Ernst van Zuthpen, den kual e’la suprayá e trabou duru i dediká di su tim, i tambe invitá tur hende pa pronto eksperensia e hotèl, Alberto da Costa Figueira di CMC Operations N.V a tuma palabra. E’la ekspresá su entusiasmo riba e meta lográ: “Courtyard by Marriott Curaçao ta representá e sinergia perfekto entre étika empresarial di Courtyard i e karakter vivido i kultura di Kòrsou.” Da Costa Figueira ta sigui splika; “ Nos a krea un espasio na unda tur huéspet por sinti nan liber, sea ta pa negoshi òf fakansi, di manera ku nan por eksperensia nos kultura, disfrutá di fasilidatnan ‘top class’ i e servisio eksepshonal di Marriott. Courtyard Curaçao ta un lugá na unda tur hende ta bon bini. E sitio na Kòrsou pa un eksperensia di huéspet úniko den un ambiente sorprendente.”, di akuerdo ku Costa Figueira.
Ko-propietario Gilbert Ricardo di Stichting Particulier Fonds Otrobanda a hiba palabra nèt despues i tabata emoshoná di mira e forsa i e resiliensia di henter e tim di Courtyard Curaçao i kon spesial e ta pa Courtyard by Marriott Curaçao por operá bou di bandera lokal. E ta orguyoso riba e resultado. “E ta surpasá tur hende su espektativa.” asina Ricardo a bisa.
Ulrich Dalnoot, di Vidanova Pensioen Fonds tambe a hiba palabra, i a elaborá riba e kolaborashon fantástiko ku tabatin entre e diferente partnernan finansiero di nos isla ku huntu a pèrkurá ku awe Courtyard Curaçao por a habri su portanan. “Nos ta partikularmente orguyoso ku nos por yama nos mes ko-propietario di Courtyard Curaçao; un proyekto na unda pashon lokal i eksperensia internashonal ta bini huntu maraviosamente!”, di akuerdo ku Dalnoot. “Nos ta mira ku hopi konfiansa riba futuro di e hotèl úniko aki i ta brinda riba mas kolaborashon fruktífero”.
Despues di bendishon, tur propietario huntu ku yunan di e tim di maneho di hotèl, a habri portanan ofisialmente na unda di un manera festivo a risibí mesora e promé huéspetnan. Komo huéspetnan di honor Courtyard Curaçao a risibí famia Josefina. Despues di un tempu difísil ku nan beibi resien nasé i ku a keda 4 siman largu den departamento di NICU (Newborn Intensive Care), porfin awe nan tur tres huntu por disfrutá di e hotèl.
E hotèl su kambernan tin e diseño di mas nobo di Courtyard, den kual kolornan kaluroso i neutral ta pèrkurá pa un ambiente trankil. E kamanan moderno, e lusnan di ambiente, i e sofa-bed spesialmente diseñá ta duna e kamber un nivel haltu di komfòrt. Ademas, e kambernan elegantemente diseñá ta inkluí un stashon ku frizjidèr i mashin di kòfi, meskos tambe un televishon di 55 inch ku por wòrdu move segun konfortabilidat di e huéspet sea pa wak den kamber òf den sofa. Tambe, tur kamber tin portalnan USB i USB C pa konektividat optimal.
E lobby di Courtyard by Marriott Curaçao ta un espasio moderno i habrí, na unda Centro Gastrobar ta nèt mei mei pa sirbi desayuno, lùnch i sena. Ademas, tin un variashon amplio di platonan internashonal riba menú. Mas anochi Centro Gastrobar ta ofresé un selekshon di kòktel eksklusivo i un ‘shareable dinner menu’- sufisientemente grandi pa kompartí. Esaki ta ademas di e programashon lokal di entretenimentu.
Otro fasilidatnan di e hotèl ta entre otro, su pisina ku restorant i un pisina chikitu pa mucha, tambe tin 260 meter kuadrá dediká na salanan di reunion i espasio pa evenemento, na unda por akomodá te asta 210 hende.
Por kuminsá hasi reservashon for di awe. E tim ta entusiasmá pa risibí huéspetnan di Kòrsou i di henter mundu i ofresé nan un eksperensia konfortabel den kurason di nos isla.
Pa reservashon por bishitá www.courtyardcuracao.com òf yama +599 9-7470000. Tarifa spesial pa lokal por wòrdu di buk via www.courtyardcuracao.com ku e kódigo promoshonal LPR.
