Curaçao Marriott Beach Resort ku orguyo ta anunsiá ku eksitosamente el a klousurá un seri di presentashon intenshoná pa inspirá e siguiente generashon di lidernan den e industria di hospitalidat. Aserkando mas ku 600 studiante di skolnan lokal, e inisiativa tabata pa demostrá na nan e área amplio di oportunidatnan pa hasi karera ku ta disponibel dentro di e sektor di hospitalidat.
E presentashonnan a duna e alumnonan un bista for di paden pa e diferente rutanan pa un karera ku e industria hospitalario ta brinda, di maneho di hotèl i arte kulinario te na planifikashon di evento i servisio na kliente. Enfatisando e karakter dinámiko i remunerativo di e karera aki, Curaçao Marriott ta spera di por inspirá e mentenan hóben pa konsiderá e industria floresiente aki.
“Nos ta kere ku nos responsabilidat ta pa kontribuí na nos komunidat i pa promové e industria hospitalario, spesialmente aki na Kòrsou kaminda e sektor di turismo ta krese rápidamente”, asina Direktor di Rekurso Humano Tirza Garmes-Daal na Curaçao Marriott a bisa. “Ekspanshon di hotèl, tantu lokalmente komo mundialmente, ta krea numeroso oportunidatnan nobo den e añanan binidero. Nos ke sigurá ku nos hóbennan lokal ta konsiente di e oportunidatnan aki i ta sinti nan enkurashá pa bai pa nan”. Asina ta kontribuí tambe na un kresementu sostenibel di e sektor turístiko di Kòrsou.
Curaçao Marriott Beach Resort ta un hotel di klase situá den kurason di nos isla, ofresiendo fasilidat i servisionan di klase mundial. Kompremeté na ekselensia, e marka Marriott ta konosí pa su dedikashon na krea eksperensianan memorabel pa su wéspetnan, miéntras alabes kontribuyendo positivamente na e komunidatnan ku e ta sirbi.
