Ministerio di Enseñansa, Siensia, Kultura i Deporte i Minister sr. Sithree van Heydoorn a tene un konferensia di prensa relashoná ku temporada di Seú. Pa organisá e aktividatnan tur ku tin ku tuma lugá den e temporada, minister a tuma e desishon pa lanta un Task Force Seú 2025. E tema di e temporada ta: DEN UNION NOS TA SELEBRÁ KONSEHA. BAN WAP’É!
Miembronan di e ‘stuurgroep’ ta minister sr. Sithree van Heydoorn, direktor di Sektor di Kultura i Deporte sra. Lizette Sambo, kolaborador di maneho sra. Irelnety Copra i sr. Erickshon Vicario ku ta presidí e Task Force. E grupo di trabou tin komo miembro vários kolaborador di sektor mes, representantenan di grupo i mas profeshonalnan relashoná ku e área kultural.
Fechanan di aktividatnan ta:
- Apertura di e temporada: 23 mart 2025 (tin oportunidat pa inskripshon pa tur aktividat)
- Kantadó Mayó: 1, 2, 3 i 5 aprel 2025;
- Elekshon di Reina Seú: 12 aprel 2025;
- Maramentu di lensu: 13 aprel 2025;
- Marcha di Seú Pariba: 21 aprel 2025;
- Marcha di Seú Banda’bou: 4 mei 2025.
Pa mas informashon por baha e presentashon: Presentashon Seú 2025 i pa mas informashon por bishitá página sosial di Ministerio di ESKD: Live temporada di Seú 2025.
