E di 22 Konferensia Anual di Liderazgo Femenino, un evento ku ta kore konsekutivamente for di 2004, lo tuma lugá e aña aki dia 30 di mei.
E tema, “Esei ta tur kos?” ta invitá partisipantenan pa reflehá riba kiko éksito ta nifiká pa lidernan femenino i si tin mas despues di logronan.
E enfoke aki ta inspirá pa e bista i diskushonnan di e 21 konferensianan anterior.
Ta buska pa atendé un realisashon ku ta keda bini bèk serka hopi hende muhé ku logro, ku ta puntra si nan éksitonan profeshonal i personal ta kumpli ku nan aspirashonnan di bèrdat.
E eksplorashon aki ta igualmente relevante pa graduadonan resien, profeshonalnan den mitar di nan karera i esnan ku ta yegando kulminashon di nan karera.
Puntonan resaltante di e evento
Preparashonnan ta andando pa garantisá un eksperensia impaktante i inspirativo pa partisipantenan.
E evento tin komo meta pa empoderá partisipantenan, partikularmente esnan ku ta sinti nan mes insigur, pa tuma pasonan audaz pa e siguiente fase di nan bida, sin importá na unda nan ta aktualmente den bida.
Ta finalisando preparashon di e lista di oradónan i lo anunsiá detayenan pronto.
Adishonalmente, e aña aki lo konta atrobe ku dos rekonosementu signifikante:
1. E di 21 Rekonosmentu di e Hende Muhé Sobresaliente: Honrando un hende muhé di den Karibe riba 60 aña di edat ku su logronan profeshonal a impaktá otronan positivamente.
2. E Strea di Margaret: Un premio motivashonal ku ta rekonosé ambishon i logronan di un lider hóben i aspirante.
Selebrashon i retiro
E konferensia di e aña aki lo kulminá den un retiro transformativo di tres dia, ofresiendo partisipantenan oportunidat pa reflekshoná riba nan mes, eksplorá retonan i imaginá posibilidatnan den futuro.
Reflekshon i Propósito
Inisiadó i organisadó Reyna Joe ta wak bèk riba promé 21 konferensianan ku orguyo, tumando nota kon e eventonan aki a mustra impakto profundo ku lidernan femenino real tin den nan komunidatnan, hopi biaha sin rekonosé nan kontribushon kompletamente.
E konferensia originalmente tabata inspirá pa historia i lucha di hende muhé eduká ku no por a realisá nan potensial kompletu.
Meta ta pa yuda hende muhé logra no solamente profeshonalmente pero tambe emoshonalmente, finansieramente i den bienestar general, partikularmente ya ku hopi ttin tambe tarea komo dunadó di kuido prinsipal.
Den e tempu difísil aki, kuida profeshonalnan di un forma stabil i empoderá ta vital i e konferensia aki ta sigui habri kaminda pa kambio signifikante.
