Riba djasabra, 29 di mart 2025, e di seis edishon di CliniClowns Fun(d)raising Open Golf Tournament lo tuma lugá na Curacao Golf & Squash Club na Emmastad. E organisashon i CliniClowns Curaçao ta kontentu di por organisá e kompetensia dibertido aki atrobe i lo introdusí e Payasonan nobo durante e edishon aki.
E torneo ta wòrdu hunga segun e variante di Four Pax Scramble, den kual bo ta inskribí ku timnan di kuater hungadó. E tarifa di inskripshoon ta NAF 1000,- pa tim inkluyendo mitar dia di golf ku 18 buraku, un sena ala bufèt, premionan grandi pa gana i naturalmente e ‘Clowns” tambe lo ta presente.
Tur entrada di e Torneo di Golf ta benefisiá e trabou di CliniClowns, ku ta komprometé su mes na muchanan hospitalisá, hende grandi, hende ku demensia i hende ku desabilidat intelektual.
Kompanianan i organisashonnan por duna sosten adishonal na CliniClowns dor di bira un ‘branding partner’ di e torneo di gòlf. E kontribushon aki ta hasi posibel pa e fundashon sigui ku su aktividatnan i krea konekshonnan balioso ku tin un impakto positivo duradero riba e grupo aki. Tin vários pakete di patrosinio disponibel.
Interesadonan ku lo ke partisipá òf bira un ‘branding partner’ por tuma kontakto ku nos via [email protected] òf via e wèpsait di CliniClowns Curacao: www.cliniclowns.cw
