QMQ organization ku ta e organisashon di beyesa kaminda bo ta haña tur kos bou di un dak, ta klá pa ranka sali ku su aktividatnan pa aña 2025.
E promé ku ta ranki sali ta Miss Teenage Curaçao 2024-2025. Edmee Haard Statia i Rodney Aniseto ya no ta deskonosí den e mundu di beyesa aki na Kòrsou i sigur no den e sertámen aki ya komo e último 3 aña, nan a sa di forma nan mes pa awor nan uní komo e direktornan ofisial pa e sertámen hubenil ku a sa di pone un stèmpel di kalidat haltu, ku hopi elegansia, inteligensia i beyesa, aki na Kòrsou, pero tambe internashonal. Tur hoben dama ta soña pa por partisipa i gana e gran título di Miss Teenage Curaçao kual outomátikamente ta bai representá Kòrsou na e sertámennan mas grandi i popular internashonal.
QMQ Organization ta orguyoso di nos 3 beyesanan ku a gana e título maksimo di Miss Teenage Globe Curaçao te ku awor. Na aña 2021 a koroná Danila Magdalena, na 2022 Valerie van Heydoorn a resultá ganador di e sertámen i na 2023 Amanda Verkerk a resultá ganador. Awor e gran pregunta ta, ken lo ta nos siguiente Miss Teenage Curaçao?
E aña aki e enfoke di e dos direktor nan nobo, ta pa trese evolushon grandi den e sertámen huntu ku e tim kampeon di QMQ Organization. E promé evolushon ta e kambio di nòmber di e sertámen. Awor e título ta bira ofisial, Miss Tenage Curaçao. Esaki pa motibu ku ya nos no ta traha ku e marka Globe unikamente pero ku hopi otro frankisia internashonal.
Mesora nos por kompartí ku for di aña pasa, trabounan duru ta tumando luga i tur kos ta klá pa e direktornan nobo presentá e siguiente partisipantenan pa Miss Teenage Cuaraçao 2024 – 2025 ku ta ranka sali ofisialmente djarason próksimo 29 yanüari 2025 kaminda e dos direktornan lo laga pueblo di Kòrsou sera konosí ku e partisipantenan pa e di 4 edishon di e sertámen via medianan sosial.
E tema di e aña aki ta AQUAMARINA VOYAGE, kaminda lo enfoká riba e beyesa i elegansia resaltando e tema rondo di nos laman caribe. 8 di febrüari 2025 lo ta e promé evento ofisial di e partisipantenan i tambe nan promé kompetensia kaminda lo repartí e promé premionan di e sertámen.
Pueblo di Kòrsou ta keda kordialmente invitá pa sigui bo medianan sosial preferí i tambe e páginanan ofisial di QMQ Organization riba instagram i facebook pa djarason awor, sera konosí ku e partisipantenan.
