Djadumingu anochi a habri e ekposishon “Embracing The Past Bonaire” ofisialmente na Oubass den Playa.
Despues ku Rovendley Welvaart a hasi esaki na Januari 2024 na Korsou, diferente petishon a drenta for di tantu Boneiru komo Aruba pa bini ku e eksposishon aki na tur e islanan ABC. Despues di hopi preparashon Rovendley huntu ku e tim di Inspira Canva a bula pa Boneiru pa asina por presenta e ekposishon uniko na Boneiru tambe.
Embracing the past ta un ekposhishon ku ta trata e thema bida di un katibu, Durante di e ekposishon bo por wak diferente historianan di forma di pelikula kortiku ku ta esplora kon katibunan tabata biba.
A Habri portanan asina invitado nan por a eskperensia i tambe wak e ekposishon.E anochi tambe a konta ku un presentashon di baile artistiko di ACE i kantante Xechel Jacobs for di Belgium.
E ekposishon ta konta ku historianan skibi di entre otro Elia Isenia, Dimitri Cloose i tambe Yuriën Stewart i dirigi pa Rovendley Welvaart, Misael Emersilia( Hulanda), Sendion Balentin ( Boneiru) .
E ekposishon aki ta un “Immersive experience” kaminda ku bishitantenan lo por eksperensia loke nan ta m
ira. Cinematografia dje pelikulanan a wordu hasi dor di Angelo Lourens, Rush Rosalia, Nathan Roosberg i Trusty Films.
E ekposishon ta keda habri te ku 15 di Maart na Oubaas gebouw na Malecon den Playa.Embracing The Past ta habri for di 9 AM te ku 2 PM i Djabierne i Djasabra for di 10 AM te ku 7 PM.
Pa mas informashon por yama 529-8395 of por bishita EmbracingThePast.com i facebook di Inspira Canva.
