Entrega i Apertura di Porta di Seguridat na SDKK

0
25

Djabièrnè 28 di mart 2025 a tuma lugá entrega i apertura ofisial di e porta di seguridat “BOX” na Sentro di Detenshon i Korekshon Kòrsou.

Gerensia di Prizòn ta sumamente kontentu ku e invershon hasí na e porta di seguridat nobo aki, esaki ta garantisá ku e seguridat i operashon diario ta kontinuá opitimalmente. E porta di seguridat aki ta e porta prinsipal ku ta keda usa na momentu ku bo keda enkarselá i tambe laga den libertat.

Na okashon di e seremonia di entrega i apertura di e porta nobo, a hiba palabra sra. Jamila Pietersz komo lider di e proyekto ku a duna resúmen di tur e trabounan ku a keda hasi for di aña 2023 te ku awoki ku a bin terminá e proyekto. Tambe ela gradisí tim di maneho di SDKK pa e konfiansa depositá i sr. Rensly Anita huntu ku su tim di tékniko i mantenshon di prizòn pa nan aporte duna na e proyekto akí. Seguidamente a hiba palabra direktor suplente sr. Anthony Hasselmiejer i finalmente sr. Kees van Veen ku ta e tékniko ku a instalá e porta akí. Tambe sr. Kees van Veen a duna un splikashon amplio di e bentaha i tambe operashon di e porta di seguridat nobo na prizòn.

E sermonia a terminá den un ambiente ameno, kaminda tur presente por a risibi informashon di e porta nobo i tambe a duna un opsekio na tur esnan ku a kontribuí na e proyekto akí e.o, IT Solution i Lloyde & more Bouwbedrijf.

Gerensia di prizòn un bia mas ta enfatisá ku e desaroyonan asina aki, ta kontribuí na seguridat general di nos instituto.

LEAVE A REPLY

Please enter your comment!
Please enter your name here