Djadumingu 16 di òktober Estreno Carnival Group a presentá nan trahenan diferente i impaktante ku nan lo desfilá kun’é den karnaval 2023. E trahe ta bunita, luhoso i trendy, ku un prèis pagabel pa un i tur por partisipá i yuda engrandesé nos karnaval.
Den un presentashon di trahe pa publiko den Riffort, Estreno carnival group a revelá nan tema ku ta unu ku ta pone tur hende den marcha pero tambe na kantu, bula di alegria riba nan himno.
E Estrenistanan lo baila, gosa i bula sin fin den e kayanan di nos dushi Kòrsou… “Estreno art exhibition is a fact”!
Manera nan ta bisa ‘ Never change a winning team’ E aña aki ERA, L.O.G., Dolce i one Flavaz sin lubida nos Urban area, ku varios DJ i otro sorpresa nan lo entretené nos Estrenistanan!
Tur hende ta kustumbrá ku tur aña di nobo tin inovashon. Por spera esaki e aña aki tambe. Estreno ta un famia ku tin ambiente, kalor i hopi kreatividat!
Estreno ta invita’bo pa like nan facebook page “Estreno Carnival group” pa asina tur hende por keda na altura di tur e trabounan rumbo pa Karnaval 2023.
Pa mas informashon por subi nan website: www.estrenocarnivalgroup.com of por manda un mail na [email protected].
