Curaçao Beverage Bottling Company BV (CBBC), fabrikante di e refresku lokal Fria, orguyosamente a lansa e kampaña “Chase the Taste” ku etiketa ‘limited edition’ di PAC-MAN. Riba tur e bòternan di Fria, 591ml, di e sabornan Kolita, Banana, Anasa, Apelsina i Drùifi, tin awor e ikóniko PAC-MAN, huntu ku un ‘QR -code’ pa ‘download’ e wega famoso aki riba bo tèlefòn selular.
Merkansía di Fria – PAC-MAN
Ta stimulá konsumidónan pa kolekshoná e bòternan úniko aki di Fria ku diseño di PAC-MAN i kambia nan pa merkansianan eksklusivo di Fria – PAC-MAN sin ningun gastu adishonal. Pa 50 bòter kolektá, fanatikonan di e marka por risibí un ‘hoodie’ original di Fria-PAC-MAN pa 20 bòter un pèchi, pa 10 bòter un tas i pa 5 bòter un yabero. Pa tur artikulo ta konta: mientras tin den stòk. Tur e bòternan ku wòrdu entregá, lo wòrdu resiklá, loke ta kontribuí na sustanibilidat di nos medio ambiente i ta kontribuí na un siklo di bida nobo pa e materialnan. E bòternan por keda entregá tur dia di 10’or di mainta te 10’or di anochi na Clickzone na Sambil Shopping Center.
Kompetensia
E kolaborashon ku Clickzone a keda ampliá ku un kompetensia. Durante di siman fanátikonan por hunga e wega mundialmente konosí di PAC-MAN kompletamente gratís den un area spesialmente diseñá pa esaki dilanti di Clickzone. Ademas, bishitante por tuma parti di e kompetensia riba djabièrnè, djasabra i djadumingu di 4’or di atardi pa 7’or djanochi i gana premionan grandioso manera un Nintendo Switch OLED, JBL ‘Quantum 600’ headphone òf un JBL Flip 6 portable speaker.
“E markanan Fria i PAC-MAN tin dos semehansa: tur dos ta ikóniko i ta sinónimo di dibertishon i plaser. Ta fantastiko ku e dos markanan aki awor tin un kolaborashon,” segun e Managing Director Andrew Pinedo di CBBC.
E kampaña di PAC-MAN ta finalisá riba djaweps 31 di yüli 2024 i e akshon di kambio tanten tin na stòk. Pa mas informashon tokante e kampaña di PAC-MAN i pa bo keda debidamenre informá di e último desaroyonan, konsumidónan por sigui e páginanan di media sosial di CBBC riba Instagram via @CocaColaKorsou i riba Facebook via @CocaColaCuracao.
