Minister Charles Cooper huntu ku Servisio pa Obra Públiko (OW) ta informá ku entrante djaluna 24 di febrüari 2025, trabounan di mantenshon di kaya ta bai tuma lugá na Gato. Esaki lo tin un durashon di 4 pa 6 siman.
E trabou ta konsistí di asfaltá e kayanan ku ta di tera i ku ta den mal estado. OSB ta enkargá ku ehekushon di e trabou i esaki lo tuma lugá parti mainta. Durante ehekushon di e trabounan aki, habitantenan i negoshinan ku ta keda den e área por yega nan kas òf establesimentu normalmente. Pa otro outomobilistanan ku sa hasi uzo di e kareteranan aki, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper i OW ta hasi un apelashon na tur outomobilista pa kore ku koutela.
