Resientemente Maduro & Curiel’s Bank a risibí ku plaser e studiantenan di terser aña den e programa di Finance & Control na University of Curaçao Faculty of Social Sciences and Economics.
Parti di e programa tabata inkluí un ‘tour’ finansiero ku e meta pa e studiantenan por haña un bista di e eksperensia real den e área di ekonomia, finansas, invershon i asuntunan monetario.
Presidente di MCB, sr. Chicu Capriles, a yama un kaluroso bon biní na e studiantenan i a kompartí ku nan e importansia di enseñansa i edukashon, konosementu i sabiduría. Esakinan ta balornan klave pa bo desaroyo komo persona i profeshonal den bo bida.
E studiantenan tabatin hopi pregunta i a mustra interes den tur e tópikonan presentá.
Pa medio di interakshonnan positivo manera esaki, Maduro & Curiel’s Bank ke inspirá e studiantenan pero alabes siña di nan. Nos ta deseá tur e studiantenan tur klase éksito i ku e aña eskolar aki ta unu éksitoso pa tur!
Riba potrèt ta mira momentu ku e studiantenan ta di bishita na Maduro & Curiel’s Bank i tambe huntu ku algún kolega di MCB.
