Grupo di Karnaval Ehehe a presentá nan trahe ku nan lo bai marcha den nos kayanan Karnaval 2023. E trahe ta simbolisá tur e 4 elementonan di naturalesa, kua mas ku klaro tin di aber ku Karnaval.
Grupo Ehehe a trese e elementonan aki den un forma kolorido:
- Trahe Airu:
Ken por biba sin airu? Den un suplá Dios a duna bida; si no tin airu paña, disfras i karosa no por seka. Bida tin mester di oksigeno pa nos papia, grita, kanta i balia, nos mester di airu pa nos konopá rosea - Trahe Tera:
Sólido, firme, baranka, metal, palu, salu. Tera un di e fuentenan di bida. Teritorio di kurpa humano, nos herensia. E proverbio konosi ku ta bisa DI TERA BO TA BIN I DI TERA BO TA BAI. Tera ta duna kuminda, kalor i frieuw pa nos planta. Tera ta duna energia. Tin masha tipo i kolo di tera rond mundu. Pero esei ta depende di e klima. Tin enundashon i erupshon di tera. Tera ta suela ku nos por koba, konstrui, kana i tambe baila - Trahe Awa:
Awa, laman, riu i pos ta otro fuente ku ta duna bida. Sin awa kueru ta seka, preshon ta belenkia, nier ta surfura i tripa ta rementa. Awa kayente pa airu fria, E likido ku grandi i chiki mester di dje. E ta kita setd, kalma spantu, duna energia, pa kualke evento sosial kultural ku tin riba bo luga special esun di karnaval - Trahe Kandela:
Kayente, ferbiente. E plasma di mundu i bida. Lava, werlek i solo. Ora ta las ta kandela ta sali. Ta kandela bo ta mira. Pabo gun stenchi na paña oeeeeeiiii kayente. Ora ta kushina pa sinti stoma ta kayente bo mester. No por spuit nada di heru ni metal si no ta hasi kalor i ku tin kayente. E solo semper tei presente duna energia i seka asta lagrima i sodo ku kai ku sonrisa. E elemento aki ta keinta suela ku melodia pa kaya keda kayente den legria
Kontribushon
Pa partisipá ku Grupo Ehehe den Marcha 2023 ta kosta fl. 1350,- i ta enserá e 2 marchanan i tambe e famoso “Sera Konosí Party” ku lo tuma lugá den febrüari. E sera konosi lo ta all in, gratis pa miembronan so di grupo i e banda di kas lo toka.
