E komishon organisadó di Festival di Tumba hubenil 2023, Boldstarz, konhuntamente ku Fundashon Desaroyo Karnaval Kòrsou, resientemente a organisá un rueda di prensa den kual a kompartí informashonnan balisio relashoná ku Tumba hubenil 2023.
Bou di guia di Fundashon Desaroyo Karnaval Kòrsou, e komishon organisadó ta enfoká pa organisá un festival di hóben pa hóben, kaminda grandi i chikí por disfrutá di e kalidat i potensial di nos tumberonan. Pues for di awor nos ta ekstendé un invitashon na e pueblo di Kòrsou pa bishitá Festival di Tumba Hubenil, djasabra 14 di yanüari 2023 i sostené nos 12 tumberonan.
Karchinan ta na balor di fl. 15.00 pa mucha i fl. 25.00 pa adulto i ta optenibel na sede di FDKK na Sambil, Mensings Caminada, 24 uur uit de muur i tambe serka tur partisipante.
