Kompania di Produkshon Aubrey America a presentá djadumingu 8 di sèpèmber 2024 e instalashon di e 6 partisipantenan pa Miss Curaçao Holland 2025.
E aña aki pa e di 4 edishon, e kompania a skohe e tremendo restorant i trùk di pan The Don na Hoogvliet pa por tabata e establesimentu kaminda e numerashon a tuma lugá i na e mesun momentu unda Prensa por a mira i kòmbersá ku e partisipantenan pa por a skohe Miss Press 2025.
Komo resultado, prensa a skohe partisipante number 5, Auralinda Ramirez komo promée finalista mientras ku ganadó di e titulo Miss Press 2025 a bai pa partisipante number 4, Key-ony Sintjacoba.
Keda pendiente pa e kanalnan sosial di Aubrey America pa bo haña tur informashon pa loke ta trata e siguiente evento dia 6 di òktober 2024 kaminda e 6 hóbennan aki lo kompetí pa e títulonan ku ta Model, Personality i Speech.
Potrèt: Hans Lachman
