Pueblo di Kòrsou tabata den espektativa e último simanan di e medianan sosial di IBFF, pa e partisipantenan ku ta den kontienda pa e e título máksimo di Miss Curaçao Teenager 2025. Ya mas ku un sertamen ta un tradishon pa un hóben hiba e título aki durante di un aña pasó esei ta mustra e diferensia pa asina hóbennan sigui den kaminda positivo. E aña aki fundadó di e sertamen di hóben aki Aubrey America mes a hasi e kòmbèrsashon ku mayornan di kada partisipante pasó e enfoke ta riba kalidat di partisipante ku ta sali di un kas ku un ambiente sano. Ya tin 1 luna kaba Team I.B.F.F a kuminsá ku preparashonnan intensivo di e partisipantenan, kaminda nan a kuminsá ku un sekshon di potrèt ku Chris Blanken i nan a start ku e programa edukashonal ofisial kaminda nos lo bai mira ken lo ser koroná ku e título máksimo na final di e temporada. Ainda nos partisipántenan no tin nan number ofisial pasó esaki lo ta e siguiente evento ku lo tuma lugá dia 3 di mei den e sala nobo di “Hacienda La Olivia” pa despues 1 yüni nan kompetí den e tremendo “Gala of Beauty” ku lo tuma lugá den e aouditorio di World Trade Center. E aña aki pa di dos aña konsekutivo Internatioanal Beauty and Fashion Foundation & su partners lo bisti di Gala den Exhibition Hall di World Trade Center kaminda e sertamen lo tuma lugá di yüli próksimo. E aña aki e tema di produkshon lo ta “MAGIC” ku a ta e inspirashon ku kada hóben ta biba den nan Magia di Bida”.
P’esei kuminsá apoyá bo partisipante faborito dor di bai na nos Facebook Page: www.facebook.com/Ibffcuracao i nos Instagram www.instagram.com/official_ibff i hasi e 4 pasonan obligatorio pa bo voto por konta:
1. Like e page
2. Like e pic di bo partisipante faborito
3. Tag 5 persona
4. Share
Partisipantenan nan ta: Carolay Marlin, Beyoncé Lourens, Zaryviona Franca, Chantee Celestijn, Taeesha Josephina, Ryhanna Lake, Antuanette Simmon, Jacinta Stefania I Delisha Albertus
For di awor aki International Beauty and Fashion Foundation ke invitá bo pa bo kumpra bo karchi pa e diferente eventonan pa asina bo no pèrdè e show di mas bunita manera semper a presentá i sigui nos partisipantenan den nan trayektoria pa e korona i mira ken ta bira nos 22 Miss Curaçao Teenager.
