Baden Powell Toastmasters Club huntu ku Toastmasters Club Pabou a djòin huntu i a organisá “Speech Contest” djadumingu 12 yanüari 2025 último. Esaki a tuma lugá na JCC ku un sala yen. E tema tabata: A voyage to Discovery.
E kòntest a keda dirigí pa Contest Chair Toastmaster John Damberg i Chief Judge Distinguished Toastmaster Fabiola Cleofa.
Kada klup tabatin nan partisipantenan i esaki tabata e resultado:
Ganadónan Baden Powell Toastmasters club:
International Speech Contest:
1. Miloushka Rosario
2. Regis Mercera
3. Alice Loos
Evaluation Contest:
1. Miloushka Rosario
2. Regis Mercera
3. Tamari Brunken
Table Topic Contest
1. Lorna Fraai-Browne
2. Regis Mercera
3. Miloushka Rosario
Ganadónan di Toastmasters Club Pabou:
Evaluation contest:
1. Ludson Valks
2. Richendell Albertoe
Table Topic Contest
1. Ludson Valks
E tema di aña 2024-2025 pa Baden Powell Toastmasters Club ta: “Challenge your limits” i di Toastmasters Club Pabou ‘Un horizonte nobo’. Pues tur e partisipantenan a sa di desafia nan limite i awor ta bai sigui amplia nan horizonte i topa otro partisipantenan na e kòntest di Area 4 ku ta tuma lugá 13 febrüari 2025.
Toastmasters ta un organisashon “no lukrativo” ku ta trein su miembronan pa por dirigí palabra den públiko, siña liderato i hopi otro abilidat ku ta hopi útil pa un miembro den su trabou i organisashonnan ku e ta den.
Si bo ta interesá di ekipá bo mes ku abilidatnan di por papia den públiko, liderato i komunikashon en general bo por tuma kontakto ku nos Vise Presidente Relashon Públiko– Sra Laurella Martis na telefòn +5999 5137250 i pa Toastmasters Club Pabou por tuma kontakto ku Vise Presidente Miembresia Edelmaris Boelbaai na telefòn +5999 5132305.
