Minister Charles Cooper huntu ku e Servisio di Planifikashon Urbano (ROP) a otorgá ofishalmente un pèrmit di konstrukshon na Medical Laboratory Services (MLS), pa konstrukshon di un edifisio nobo den área di Suikertuintje. Ku e edifisio aki, MLS lo krea mas espasio pa por sigui brinda e komunidat di Kòrsou servisio di laboratorio médiko haltu i di kalidat.
Un di e metanan prinsipal di MLS ta pa pone Kòrsou riba mapa internashonal den e sektor di laboratorio médiko. Esaki ta un proseso ku kontinuamente MLS ta traha duru riba dje segun su propio forsa, den kolaborashon ku institutonan lokal i internashonal pa logra e mihó resultadonan.
E proyekto aki tambe ta marká un kontribushon den nos ekonomia, dor di krea kuponan di trabou durante e fasenan di e konstrukshon.
