Amanda Verkerk di 18 aña di edat, ta klá pa repesentá Kòrsou di 7 pa 13 apel próksimo na República Dominicana, Punta Cana den e prestigioso sertamen di beyesa Teen Universe 2025, selebrando su di 14 edishon.
Teen Universe ta un dje sèrtamennan hubenil di mas grandi i prestigio internashonal.
Teen Universe e aña aki ta konta ku un kantidat di mas ku 60 partisipante, dividí den 3 kategoria, kual ta: Pre Teen, Teen Petite i Teen Universe. E sertamen aki ta konta ku un popularidat grandi bou di missiologonan Internashonal i tambe tur e partisipantenan. Ya kaba por mira basta moveshon riba retnan social di partisipante promoviendo nan mes i e sertamen.
Den e prestigioso sertamen aki, Amanda Verkerk ta bai huza tur su eksperiensha di e lastu sertamen, huntu ku tur e preparashonnan ku e la risibí ultimo lunanan pa pone Kòrsou su nòmber zona.
E siman aki Amanda lo bishitá diferente media pa sigui konta di su preparashon i e trabou ku e ta bai hasi pa Kòrsou. Mas ku klaro boso ta invitá pa sigui Amanda via su pagina social di Instagram ku ta; Amanda.Verkerk i tambe via e paginanan di QMQ Organization via instagram i tambe facebook.
E gran final di e sertamen lo ta djadumingu 13 de aprel,na Republica Dominaca Punta Cana, fecha natal di nos Amanda Verkerk. Tur hende por sigui e show final via transmishon live riba e plataforma di YOUTUBE.
Ku mente positive i bon vibra nos ta desea Amanda tur klase di eksito pa ku su partispashon.
