Resientemente Ministerio di Desaroyo Ekonómiko a presentá su programa Biz2Biz pa krea resiliensia i kompetitividat den empresanan chikí i mediano di Kòrsou, pa medio di digitalisashon i sostenibilidat. Na mes momentu a entregá sertifikado na e Coachnan-pa-Futuro. Esakinan ta coachnan ku a sigui kurso adishonal pa spesialisá nan mes i ku a keda selektá pa guia empresanan den e trayektonan aki.
Apesar di coachnan spesialisá, e programa, desaroyá ku aporte di Landspakket, ta inkluí webinar na Kámara di Komèrsio i Industria, un tèst ku empresanan por tuma pa nan midi nan grado di digitalisashon i sostenibilidat, i kontribushon na eventonan manera Curaçao Tech Meetups, Innovation Week, Global Entrepreneurship Week i Entrepreneur i Let’s Collaborate.
Segun Tamira La Cruz, gerente di e programa ‘nos a desaroyá un programa ku no ta solamente pa Kòrsou, pero ku ta fasilitá kolaborashon ku otro paisnan. Ya a logra ku Carib-Export, un organisashon regional ku trayektoria largu, a inkluí Kòrsou den su ‘SME digital checkup’ pa region di Karibe. Nos ta kontentu ku tin aspektonan tambe kaminda Kòrsou ta kana dilanti.’
E consultantnan ku a traha riba e programa konhúntamente ku diferente stakeholder ta Caetano Kluyver di Navistart i Joeri Oltheten di Cinqo.
Pa mas informashon por bishitá Facebook page di Ministerio di Desaroyo Ekonómiko òf tuma kontakto ku riglene.cristina@minegoshi.
