Gobièrnu di Kòrsou lo ta bon representá na e 48 konferensia di Hefenan di Estado di CARICOM (48th Regular Meeting of the Conference of CARICOM Heads of Government) na Barbados di 19 pa 21 di febrüari 2025.
E tim ku lo representá Kòrsou, na nòmber di Promé Minister sr. Gilmar Pisas, ta:
- Sr. Djurick Comenentia – Kabes di delegashon
- Sra. Roxienne Albertina – Bosero di Promé Minister di Kòrsou
- Sr. Caryl Monte – Konsehero stratégiko di Promé Minister di Kòrsou
- Sra. Nzinga Waandels – Konsehero di maneho na Direktorado di Asuntunan Eksterior
Tema di e konferensia e aña akí ta “Strength in Unity: Forging Caribbean Resilience, Inclusive Growth and Sustainable Development” (Fomentando resiliensia Karibense, kresementu inklusivo i desaroyo sostenibel). Durante e evento lo trata tópikonan importante manera seguridat di alimentashon, kambio di klima, seguridat regional, resiliensia digital, relashonnan eksterno, integrashon ekonómiko i transporte marítimo/aéreo.
E seremonia di apertura lo tuma lugá djaluna 19 di febrüari na Barbados, kaminda presidente di CARICOM i sekretario-general lo duna palabra, huntu ku dignitarionan internashonal.
Pa mas detaye tokante e konferensia, por bishitá: https://caricom.org/48-hgc-the-conference/
