Kòrsou por konta ku un grupo di karnaval nobo ku ta engrandesé e ambiente Gran Marcha 2025 i su despedida. Esaki ta Party Peeps Carnival Group (PPCG).
Historia
E idea pa lanta un grupo di karnaval a nase na momentu ku e 3 rumannan Angelo Cijntje, Jurniasa Cijntje i Jury-Ann Cijntje a disidí di skucha e nesesidat ku ta reina bou di e pueblo pa mas variedat i kantidat di grupo den nos Gran Marcha i karnavalistanan ku tin un nesesidat pa por gosa i partisipá na karnaval di un forma pagabel. Di e forma aki, e tres rumannan, ku pa años a yega di duna nan aporte na gruponan eksistente por medio di atministrashon, animashon i makiyahe, a bini huntu i a funda e grupo Party Peeps Carnival Group (PPCG).
Mishon i Vishon di PPCG
– Pa un i tur por gosa, fiesta i disfrutá na un preis kuminiente di un trahe di karnaval di kalidat pa asina aportá na e evento nashonal di mas grandi di Kòrsou, ku e disiplina nesesario pa kumpli ku e rekisitonan básiko di PPCG.
– Demonstrá ku kalidat i kreatividat no mester ta kostoso pa por hasi un impakto i aportá na nos fiesta nashonal.
Un eksperensia inolvidabel, servisio amabel i preferensial sin importá kua trahe bo a skohe of den kua sekshon bo ta.
Thema
Pa Karnaval 2025 PPCG su tema ta: Carnival Heroes – ku 2 sekshon.
Lema
Party Peeps, Let’s Assemble and Rumble!!
Direktiva
Laga nos sera konosí ku e fundadónan i direktiva di Party Peeps Carnival group. (Foto)
Lidernan/Fundadónan di Grupo: Angelo Cijntje, Jurniasa Cijntje i Jury-Ann Cijntje
Presidente: Lianne Barbara
Vise Presidente: Nichently Cijntje
Tesoreronan: Jurniasa Cijntje i Anzoyla Melfor
Merkadeo: Suwela Nobrega-Martins, Louis de Lannoy
Boseronan: Jury-Ann Cijntje i Suwela Nobrega-Martins
Asistensia adishonal: Liangela Statie
Presensia:
PPCG lo tin un presensia amplio i informativo via medionan tradishonal i no tradishonal kaminda por sigi tur e avansenan i desaroyonan di e grupo tantu pa miembronan keda informá i e komunidat por keda pendiente pa partisipashon di PPCG den Marcha Grandi 2025.
Facebook Page: Party Peeps Carival Group
Instagram: partypeepscarnivalgroup
Email: [email protected]
Whatsapp: +599 9 523 6955
